लतिका वैष्णव जी के लोक चित्रकला ल सहराइन नागरिक उड्डयन मंत्री ज्योतिरादित्य सिंधिया, एअरपोर्ट म लगिस बस्तर लोक चित्रकला प्रदर्शनी

 

 बलौदाबाजार रायपुर,5 फरवरी। केन्द्रीय नागरिक उड्डयन मंत्री ज्योतिरादित्य सिंधिया ह अपन रायपुर प्रवास के बखत स्वामी विवेकानन्द एअरपोर्ट डहर ले लगाये बस्तर लोक चित्रकला प्रदर्शनी के शुरूआत करिस। प्रदेश के प्रसिद्ध लोक चित्रकार श्रीमती लति‍का वैष्णव जी के बनाये बस्तर के अद्भूत रंग अब छत्तीसगढ़ अवइया-जवइया मन स्वामी विवेकानन्द एअरपोर्ट रायपुर के आर्ट गैलरी म देखही। मिले आरो के मुताबिक बस्तर लोक चित्रकला ल बढ़ावा दे खातिर लोक चित्रकार श्रीमती लति‍का वैष्णव अउ एअरपोर्ट निदेशक कोति ले ये सुघ्घर उदीम करे जावत हावय।

स्वामी विवेकानन्द एअरपोर्ट रायपुर के आर्ट गैलरी म लगे प्रदर्शनी के शुभारंभ केन्द्रीय नागरिक उड्डयन मंत्री ज्योतिरादित्य सिंधिया हाथ ले होइस। ये मउका म विमानपत्तन निदेशक राकेश रंजन सहाय, पूर्व मंत्री बृजमोहन अग्रवाल, पूर्व विधानसभा अध्यनक्ष धरमलाल कौशिक, सांसद विष्णुनदेव साय, श्रीचन्द सुंदरानी मन तको सामिल रिहिस। पहुना मन चित्रकार श्रीमती लति‍का वैष्णव के पेंटिंग ल देखके गजब सहराइन। आम दर्शक मन खातिर ये प्रदर्शनी बसंत पंचमी ले अवइया 15 दिन तक माने 19 फरवरी तक आयोजित होही।